CONVOCATORIA

         Pola presente convócase a tódolos membros da Xunta Directiva da "Asociación para o Desenvolvemento Rural Sil - Bibei -Navea" á Sesión Ordinaria que se celebrará na sede do GDR Sil-Bibei-Navea, sita na Praza da Constitución, 2 no Concello de San Xoán de Río, o vindeiro mércores día 14 de decembro, ás 17:30 horas en 1ª convocatoria e,  ás 17:45 horas en 2ª convocatoria, para trata-los asuntos que se inclúen na seguinte orde do día:

• 1. Lectura e aprobación, se procede, da acta da sesión anterior.
• 2. Estudo e análise do estado de tramitación dos expedientes e, no seu caso, medidas a adoptar.
• 3. Estado de situación das cuotas da Asociación.
• 4. Informe Presidencia.
• 5. Rogos e preguntas.

                                  En San Xoán de Río, a 07 de decembro de 2011

                                   O Presidente

                    Asdo: D. Francisco Magide Bizarro

XUNTA DIRECTIVA DA ASOCIACIÓN PARA O DESENVOLVEMENTO RURAL SIL-BIBEI-NAVEA

                                     ACTA 06/11

XUNTA DIRECTIVA DA ASOCIACIÓN PARA O DESENVOLVEMENTO RURAL SIL-BIBEI-NAVEA

DATOS DA SESIÓN:

LUGAR: Sede do GDR Sil-Bibei-Navea

DATA: 15 de Setembro de 2011

HORA DE INICIO: 18:45 horas

HORA DE FINALIZACIÓN: 19:40 horas

CONVOCATORIA: Segunda

PRESIDENTE: D. Francisco Magide Bizarro

SECRETARIO: D. David Rodríguez Estévez

MEMBROS PRESENTES:

• D. Francisco Magide Bizarro: Presidente da Asociación e Representante do Concello de Parada de Sil.
• D. David Rodríguez Estévez: Representante do Concello de Manzaneda.
• D. Eladio Osorio Castro: Representante do Concello de Castro Caldelas.
• D. Francisco José Fernández Blanco: Representante do Concello de Pobra de Trives.
• D. Luis J. Vázquez González. (Aporta delegación de D. Miguel A. Cid Álvarez: Representante do Concello de A Teixeira).
• Dª. Flora Castro González: Representante da Mesa Sectorial de Empresarios pola Federación de Empresarios de Terra de Caldelas (FETECAL).
• Dª. Milagros Calvo Carballo: Representante da Mesa Sectorial de Asociacións de Mulleres pola Asociación de Mulleres Anel. (Aporta delegación de Dª. Ramona García Méndez: Representante da Mesa Sectorial de Asociacións de Mulleres pola Asociación de Mulleres Rurais Bibei e de D. Isauro Pérez González: Representante da Mesa Sectorial de Turismo e Hostelería, pola Asociación Cultural Turística Nemetóbriga).
• D. Rubén Fernández Rodríguez: Representante da Mesa Sectorial de Asociacións de Empresarios pola Asociación de Empresarios de Trives.
• Dª. Rosa Domínguez Rodríguez: Representante da Mesa Sectorial de Asociacións deportivas, de veciños, culturais, de artesanía e outras, pola Asociación de veciños de San Paio.

MEMBROS AUSENTES:

• D. Germán Domínguez Fernández: Representante do Concello de Viana do Bolo.
• Dª. Sonia Fernández Díaz: Representante do Concello de Montederramo.
• D. Ventura Sierra Vázquez: Representante do Concello de Vilariño de Conso.

• D. Gerardo Rodríguez Domínguez: Representante do Concello de San Xoán de Río.
• D. Francisco Rodríguez Rodríguez: Representante do Concello de Chandrexa de Queixa.
• D. Pedro Rodríguez Parente: Representante da Mesa Sectorial do sector Agrario, Gandeiro e Forestal pola Asociación Profesional de Silvicultores de Galicia "Silvanus").
• Dª. Silvia Basteiro Vicente: Representante da Mesa Sectorial do Sector Agrario, Gandeiro e Forestal por Unións Agrarias.
• Dª. María Páez Páez: Representante da Mesa Sectorial do Sector Agrario, Gandeiro e Forestal por ACEBEDA - Sociedade Cooperativa Galega.
• Dª. Sara Mª Carracedo Ochoa: Representante da Mesa Sectorial do Sector Agrario, Gandeiro e Forestal, pola Asociación ÁGAMO.
• Dª. Nieves Fernández Vidueira: Representante do Sector Agrario, Gandeiro e Forestal pola Asociación de Propietarios de Soutos de Viana do Bolo.

• D. Bernardino Rodríguez Vasallo: Representante da Mesa Sectorial de Asociacións Deportivas, de veciños, culturais, de artesanía e outras pola Asociación Cultural Chandrexa.
• D. Miguel Solla Pereira: Representante da Mesa Sectorial de Asociacións Xuvenís pola Asociación "Os Grumos".

Vistas as delegacións presentadas por tres membros da citada Xunta, acéptanse ditas delegacións e, previa comprobación polo Presidente do número de asistentes necesarios para a válida celebración da Xunta Directiva, éste declara aberta a sesión.

ORDE DO DÍA:

• 1. Lectura e aprobación, se procede, da acta da sesión anterior.
• 2. Estudo e análise do estado de tramitación dos expedientes e, no seu caso, medidas a adoptar.
• 3. Informe Presidencia.
• 4. Rogos e preguntas.

DESENVOLVEMENTO DA SESIÓN:

Antes de dar comezo ó desenvolvemento desta sesión, o Presidente expón que, como se acordara na anterior Xunta Directiva, celebrada o 21 de xullo de 2011, trala ausencia continuada de catro dos representantes da Mesa do Sector Agrario, Gandeiro e Forestal e, un pertencente á Mesa Sectorial de Asociacións Deportivas, Recreativas, de Veciños/as, Culturais, de Artesanía e outras, provoca atrancos graves para o normal funcionamento da Asociación e, para a realización das Xuntas Directivas.

O Presidente, tal e como se comprometera diante da Xunta Directiva, púxose en contacto en múltiples ocasións con ditos representantes para informarlle dos atrancos que causaba a súa ausencia reiterada e, nesta mesma mañá, conseguiu falar con Dª. María Páez Páez, Representante da Mesa Sectorial do Sector Agrario, Gandeiro e Forestal por ACEBEDA - Sociedade Cooperativa Galega, transmitíndolle dita problemática e, instándolle a que delegaran en algún membro do sector privado ou que nomearan a outro representante que puidera acudir ás Xuntas Directivas.

A contestación aportada por dita representante foi que hoxe asistiría á sesión da Xunta Directiva pero, como se pode constatar esto non sucedeu.

Pide o turno de palabra Dª. Milagros Calvo Carballo, para solicitar incluir na orde do día o seguinte punto: "Pronunciamento sobre o tema de MEISA".

A Xunta Directiva acepta por unanimidade dita inclusión e, modificación da orde do día, pasando éste a ser o cuarto punto do día.

1. LECTURA E APROBACIÓN, SE PROCEDE, DA ACTA DA SESIÓN ANTERIOR.

O Presidente informa que como se acordara na sesión da Xunta Directiva celebrada o pasado 22 de abril de 2010, remitiuse a tódolos membros da Xunta Directiva a acta da sesión anterior, referida á sesión ordinaria celebrada o 21 de xullo de 2011, para poder ser analizada máis pormenorizadamente por cada un dos membros.

O Presidente pregunta ós asistentes se desexan realizar algunha obxeción á mesma e, procédese á votación da mesma có seguinte resultado:

APRÓBASE POR DEZ VOTOS A FAVOR E, UNHA ABSTENCIÓN DE D. FRANCISCO JOSÉ FERNÁNDEZ BLANCO Á ACTA DA SESIÓN ANTERIOR.

2. ESTUDO E ANÁLISE DO ESTADO DE TRAMITACIÓN DOS EXPEDIENTES E, NO SEU CASO, MEDIDAS A ADOPTAR.

O Presidente informa á Xunta Directiva dos proxectos que tiveron entrada na sede do GDR ata o día de hoxe, os cales son corenta e tres solicitados por promotores e tres solicitados por este GDR na medida 431B "Adquisición de Capacidades e Promoción Territorial", ademáis dos correspondentes ós gastos de funcionamento da medida 431A.

O Presidente procede a presentar ós asistentes o listado de expedientes para revisar o estado de tramitación no que se atopa cada un deles a día de hoxe, xa que un (L11-41300-11-0031) conta có Informe con verificación Favorable de Agader.

Por outra banda, informa que do expediente nº L10-41200-11-0025, recibiuse solicitude de renuncia e, esta Xunta Directiva debe pronunciarse sobre a mesma.

Da mesma maneira, informa que do expediente nº L10-41100-11-0019, recibiuse Resolución de aceptación de renuncia e, dos expedientes (L11-41100-11-0032, L11-41300-11-0035, L11-41300-11-0036) recibiuse a Resolución de Concesión.

O Presidente insta ós presentes a proceder primeiramente á votación da solicitude de renuncia do expediente nº L10-41200-11-0025 para desta maneira, poder analizar o estado de situación do cadro financeiro con dita modificación.

Expediente nº L10-41200-11-0025

Título: "Ruta de sendeirismo pólas morrenas glaciares do rio Cenza, rahabilitación de edificación para sala de interpretación e recuperación dun refuxio de pastores"

Beneficiario: Concello de Vilariño de Conso.

Importe da subvención aceptada: 43.348,57 € €

Solicitude de renuncia: 31 de agosto de 2011

Motivo da renuncia: por cuestións técnicas e procedimentais que dificultan a xustificación no prazo esixido.

A Xunta Directiva procede a súa votación có seguinte resultado:

APRÓBASE POR UNANIMIDADE DOS MEMBROS ASISTENTES A ACEPTACIÓN DA RENUNCIA DE DITO EXPEDIENTE E A SÚA POSTERIOR COMUNICACIÓN Á AGADER PARA QUE EMITA RESOLUCIÓN DE ACEPTACIÓN DE RENUNCIA.

Neste mesmo punto segundo da orde do día, o Presidente procede a analizar a situación do cadro financeiro; así no dossier adxunto, refléxase que trala aceptación da renuncia do expediente nº L10-41200-11-0025, quedan por comprometer na anualidade 2011 para a medida 412: 31.747,92 €, ademáis de 2.553,51 € para a medida 413, quedando sen comprometer para esta anualidade 2011 un total de 34.301,43 €.

Prosegue a análise, explicando que nesta medida 412 para a anualidade 2011, có obxetivo de perder a menor cantidade posible e, ante a premisa de que o expediente nº: L11-41200-11-0037, se comprometeu á xustificar o 80% nesta anualidade 2011, o Presidente como representante do proxecto expón á Xunta Directiva que está estudiando a posibilidade de xustificar o 100% do investimento, xá que a inversión está executada e, só lle quedaria rematar o vídeo.

A Xunta Directiva aproba por unanimidade que o expediente L11-41200-11-0037 modifique a anualización, sempre e cando, o Concello de Parada de Sil se comprometa a facelo e Agader autorice dita modificación.

Neste mesmo punto segundo da orde do día, o Presidente procede a analizar o expediente nº L11-41300-11-0031 que, conta có Informe de Control de Elixibilidade Favorable por parte de Agader.

Expediente nº L11-41300-11-0031

Título: "Restauración dun sequeiro e dunha bodega tradicionais galegos"

Beneficiario: Pedro Basalo Diéguez.

Orzamento aceptado: 38.239,33 €

Porcentaxe de axuda: 48,00%

Importe da subvención proposta: 18.354,88 €

Observacións: O expediente é subvencionable pero non existen fondos dispoñibles na anualidade 2011, posto que os fondos da medida na que se encadra atópanse esgotados, polo que se lle dá o tratamento de expediente en espera.

A Xunta Directiva procede a súa votación có seguinte resultado:

APRÓBASE POR UNANIMIDADE DOS MEMBROS ASISTENTES A SELECCIÓN E SIGNACIÓN DA AXUDA DO CITADO EXPEDIENTE PARA O SEU POSTERIOR INFORME PROPOSTA DE RESOLUCIÓN POR PARTE DE AGADER.

3. INFORME PRESIDENCIA.

O Presidente informa á Xunta Directiva da proposta realizada pola empresa Visualq, encargada da realización do proxecto con nº de expediente L11-43100-11-B044 "Promoción turística no territorio do GDR Sil-Bibei-Navea", documentación remitida mediante e-mail a todos os membros da Xunta Directiva para poder ser analizada pormenorizadamente.

O Presidente cede a palabra ós asistentes para que fagan as consideracións e aclaracións que estimen oportunas.

Solicita o turno de palabra D. Eladio Osorio Castro que, como representante do Concello de Castro Caldelas expón que, o folleto deste concello contén diversos errores na información, de igual maneira omite outra que é fundamental que apareza como é a da bica, produto fundamental na gastronomía deste concello.

Dª. Flora Castro González, intervén para aclarar que é prioritario solicitarlle á empresa, de donde recabou a información, xa que existen graves erros nos mesmos, polo que cree imprescindible que cada concello dé o visto bo por escrito.

O Presidente propón poñer como data límite o 21 de setembro para que cada concello aporte as modificacións que considere oportunas ó e-mail do GDR, para que o equipo técnico teña constancia dos mesmos. Desta maneira, unha vez feitas as modificacións nos folletos individuais dos concellos, éstas incluiránse tamén na guía.

A Xunta Directiva acepta e aproba dita proposta.

Por outra banda, o Presidente pregunta se algún concello quere que a empresa se persone no mesmo para exporlle directamente as modificacións, solicitude que é requirida polos concellos de San Xoán de Río, Pobra de Trives e Castro Caldelas.

Da mesma maneira, o Presidente explica a proposta realizada pola empresa para a campaña en medios de comunicación; trátase de dúas opcións unha serían 33 cuñas con unha cobertura rexional e, outra serían 50 cuñas con unha cobertura nas 7 principais cidades galegas.

A Xunta Directiva aproba aceptar por unanimidade a proposta publicitaria de 50 cuñas con cobertura nas 7 principais cidades galegas.

Ademáis inclúese a publicación de dous anuncios no xornal La Voz de Galicia e, a emisión de 360 spots en Santiago TV, Telemiño e canal 133.

O Presidente informa que tanto o anuncio como o texto das cuñas, o texto dos spots e o vídeo serán remitidos vía e-mail a toda a Xunta Directiva para a súa aprobación.

4. PRONUNCIAMENTO SOBRE O TEMA DE MEISA.

O Presidente cede a palabra a Dª. Milagos Calvo Carballo, por ser a persoa que solicitou a inclusión de dito punto na orde do día.

Dª. Milagros Calvo Carballo explica que, tras as informacións saídas na prensa, nas cales se mostra a estación de montaña de Manzaneda como non viable económicamente, o GDR debería manifestar a súa inquietude e, poñer en valor a importancia deste recurso para todo o territorio.

O Presidente solicita dos representantes tanto do Concello de Manzaneda como do de Pobra de Trives que manifesten a súa opinión e aporten a información que teñan ó seu alcance, como membros integrantes do Consello de Administración.

D. Francisco José Fernández Blanco expón que como membro do Consello de Administración e, non tendo probas fidedignas de que a estación de montaña esté en perigo, pronunciarse públicamente sobre este tema é darlle credibilidade as informacións saídas en prensa.

D. David Rodríguez Estévez, intervén para sinalar que éste é un problema có que se leva dende hai trinta anos e, que é a primeira vez que os concellos teñen que facer efectiva a aportación que lle corresponde; por outra banda expón que, habería que refundar a Estación e facer unha inversión grande para que sexa rentable.

Solicita o turno de palabra D. Rubén Fernández Rodríguez para expor que tras unha entrevista mantida con D. Rogelio Martínez, éste díxolle que a estación non era rentable polo que se prantexaba o seu peche.

O Presidente informa á Xunta Directiva que o GDR como entidade, pode realizar duas accións: por un lado, manifestar por escrito á Xunta a nosa preocupación pola situación, dando desta maneira por válidas as informacións saídas en prensa ou, por outro lado, emitir un escrito interno e facerllo chegar á Xunta na que prantexemos a importancia da estación no desenvolvemento do noso territorio e, nos prestemos a participar na búsqueda de solucións para este problema.

Propón votar para adherirnos e seguir unha destas dúas opcións; a Xunta Directiva acepta ditas propostas e procede á súa votación có seguinte resultado:

APRÓBASE POR SETE VOTOS A FAVOR E, CINCO ABSTENCIÓNS DE D. FRANCISCO JOSÉ FERNÁNDEZ BLANCO, D. DAVID RODRÍGUEZ ESTÉVEZ, D. FRANCISCO MAGIDE BIZARRO, D. RUBÉN FERNÁNDEZ RODRÍGUEZ E D. LUÍS. J VÁZQUEZ GONZÁLEZ, A REMISIÓN DUNHA CARTA INTERNA Á XUNTA NA QUE QUEDE REFLEXADA A NOSA PREOCUPACIÓN POLA SITUACIÓN QUE SE ESTÁ A VIVIR CON MEISA.

D. Francisco José Fernández Blanco, como membro do Consello de Administración expón que, está prevista a celebración dunha reunión do Consello no mes de setembro.

A continuación, Dª. Milagros Calvo Carballo acepta que se espere un tempo para remitir dita carta para ver como se desenvolven os acontecementos pero, que o acordo da Xunta Directiva se manteña en firme.

A Xunta Directiva acepta e aproba dita proposta.

5. ROGOS E PREGUNTAS.

O Presidente solicita o turno de palabra para recordarlle ós asistentes a necesidade de facer efectivo o ingreso das cotas e, solicita ós asistentes que o divulguen ó resto dos sócios.

Por outro lado, recórdalle ó representante do Concello de San Xoán de Río que a día de hoxe aínda non se nos remitiu o contrato de cesión do local da sede.

Dª. Milagros Calvo Carballo, aclara que segundo as conversas mantidas có alcalde, comunicaráse por escrito o uso do local en precario ata a finalización do programa.

Por último, o Presidente aclara que tralas ausencias continuadas das catro representantes da Mesa do Sector Agrario, Gandeiro e Forestal, esta Xunta Directiva enfróntase a un problema de difícil solución, xa que, nas bases reguladoras do Programa Leader 2007-2013 que, no Apéndice I-Bases Reguladoras, punto III- "C) En todos os órganos decisorios, as entidades de natureza privada haberán de representar máis do 50% dos votos. En todo caso, na Xunta Directiva ou órgano decisorio similar estarán representadas, cando menos, as asociacións de mulleres, as asociacións de mozos/as, as organización profesionais agrarias e as cooperativas agrarias con presenza no territorio de actuación do GDR e que formen parte deste".

Desta maneira, é obrigada a presenza nos órganos de decisión destes representantes, así na súa opinión o que lle parece máis convinte é remitir unha carta a Dirección Galega de Organizacións Agrarias na que se lle prantexe este problema, para ver se nos aportan algunha solución.

A Xunta Directiva acepta e aproba dita proposta do Presidente.

O Presidente cede a palabra neste punto ós asistentes a esta sesión, por se alguén quere facer algunha suxerencia; ningún dos asistentes solicita o turno de palabra.

E, non habendo máis asuntos a tratar, levántase a sesión no lugar, data e hora que se sinala no encabezamento desta acta que, se extende có obxecto de recoller o tratado e acordado pola Xunta Directiva e, que o señor Presidente firma conmigo o Secretario que dou fe.

                     O Secretario                                                                   O Presidente

      Asdo: D. David Rodríguez Estévez                                Asdo: D. Francisco Magide Bizarro 

CONVOCATORIA

         Pola presente convócase a tódolos membros da Xunta Directiva da "Asociación para o Desenvolvemento Rural Sil - Bibei -Navea" á Sesión Ordinaria que se celebrará na sede do GDR Sil-Bibei-Navea, sita na Praza da Constitución, 2 no Concello de San Xoán de Río, o vindeiro mércores día 02 de novembro, ás 17:30 horas en 1ª convocatoria e,  ás 17:45 horas en 2ª convocatoria, para trata-los asuntos que se inclúen na seguinte orde do día:

• 1. Lectura e aprobación, se procede, da acta da sesión anterior.
• 2. Estudo e análise do estado de tramitación dos expedientes e, no seu caso, medidas a adoptar.
• 3. Informe sobre a concesión dunha subvención para a contratación dun traballador desempregado.
• 4. Informe Presidencia.
• 5. Rogos e preguntas.

                                  En San Xoán de Río, a 26 de outubro de 2011

                                   O Presidente

                    Asdo: Francisco Magide Bizarro

XUNTA DIRECTIVA DA ASOCIACIÓN PARA O DESENVOLVEMENTO RURAL SIL-BIBEI-NAVEA